L_ISULA_SOLA_

 

Combien  ces textes et cette chanson résonnent dans le coeur  des insulaires, relayés par les ondes, Alta et tant d'autres, combien ces voix manquent à l'appel  des rappels qui nous échappent et qui laissent un vide immense, à l'instar d'un adieu sur la mer...

in ricordu 

MARINARU 

 

 

 


O quantu vuleria scrive chì a mio storia hè di pace 
Chì l'albori ch'aghju vistu si so pisati sereni 
Ma à empie a mio mente sò centu mila e strage 
E di fiure sanguinose i mio ricordi sò pieni 

Aghju vistu tantu volte u mio mondu piccià focu 
Per una croce, un spechju o per un palmu di terra 
Per una fede, un'idea, per u pussessu d'un locu 
L'omi move e battaglie, l'omi dà si à a guerra 

Eiu sò l'isula sola 
Locu di tanti sicreti 
Un'isulella di fola 
Musa di tanti pueti 
Sò un'isula sulella 
Mi chjamanu a più bella 

Aghju vistu à l'orisonte ghjungne tanti battilloni 
È i sullati à millaie calpighjà e mio marine 
Aghju in core e vinice di 'ssi tempi bughjiconi 
È piengu à fiumi pieni e mio pene senza fine 

Da sempre sò stata eiu ogettu di ogni imbliglia 
Quella chì omu vulia cumpra, vende o cunquistà 
Quella stella ch'in lu celu di più c'à l'altre spampiglia 
È c'ognunu vuleria di e so mani tuccà 

Eiu sò l'isula sola 
Locu di tanti sicreti 
Un'isulella di fola 
Musa di tanti pueti 
Sò un'isula sulella 
Mi chjamanu a più bella 

Ma vogliu sperà e crede in un dumane sfarente 
Sunnià di l'ore à vene cum'è di tant'allegrie 
Vede e so albe chjare è di pace splendurente 
Pisà si à l'infinita cum'è in le puesie 

È vogliu dì à i mei, a i mio figlioli cari 
In un cantu di sperenza, in un'ardente prighera 
Di francà mi à l'ora mai di tanti ricordi amari 
È di tene caru à mè di più c'à a mio bandera 

Eiu sò l'isula sola 
Locu di tanti sicreti 
Un'isulella di fola 
Musa di tanti pueti 
Sò un'isula sulella 
Mi chjamanu a più bella

§ 

 

VITALBA 

 

A SANTU  MONTERA